2017 წელს, დიდხანს მოარული ჭორები Ferrari SUV-ის შესახებ რეალობად იქცა, როდესაც მაშინდელმა აღმასრულებელმა დირექტორმა სერჯიო მარჩიონემ დაადასტურა, რომ ავტომწარმოებელი ასეთ მოდელზე სერიოზულად ფიქრობდა. ერთი წლის შემდეგ, Ferrari-მ უკვე მისი ტესტირებაც დაიწყო და ოფიციალური სახელიც შეურჩია — Purosangue. პროტოტიპები და სატესტო მოდელები ჯაშუშმა ფოტოგრაფებმა დააფიქსირეს და გაჩნდა მოლოდინი, რომ მანქანა დღის სინათლეს მომავალ წელს იხილავდა. ამასობაში გამოჩნდა უკანა ნაწილის დიზაინის ამსახველი რენდერებიც.
მას შემდეგ, რაც მარჩიონემ დაადასტურა, რომ Ferrari სერიოზულად ფიქრობდა SUV-ზე, ავტოპორტალმა Motor1.com-მა წინა ნაწილის რენდერები შექმნა. ამჯერად, გამოცემა უკანა ნაწილის რენდერებს აქვეყნებს. ბოლო პერიოდში მალულად გადაღებულ ფოტოებზე ჩანს, რომ SUV-ს მაღალი ვაგონის იერი აქვს, დამრეცი სახურავითა და საბარგულის კარით. ფოტოები საკმაოდ შორიდან არის გადაღებული, თუმცა რენდერები უფრო მეტ სიცხადეს გვთავაზობს. ერთ-ერთი ყველაზე გამორჩეული მახასიათებელია ძარის აგრესიული „ნაოჭები“, რომლებიც წინა თვლებიდან იწყება და უკანა დგარამდე ვრცელდება.
ოთხი ცალი მრგვალი გამოსაბოლქვი მილი ერთი მანქანას შეხედვით სტანდარტული ორკარიანი მოდელის იერს სძენს.
ასეთი მოდელის შესახებ უკვე წლებია გვესმის, მაგრამ რეალურად, Ferrari ჯერ არაფერს ადასტურებს. GTC4Lusso-ის პროექტის გაუქმება შეიძლება მოდელის რეალურობის აშკარა ნიშანი იყოს. Purosangue წელს კომპანიის მიერ გამოქვეყნებულ Purosangue-ის თიზერზე ჩანდა, რომ მანქანა წინა-შუა ძრავის არქიტექტურაზე უნდა ყოფილიყო, ჰქონოდა ინოვაციური საკიდარი სისტემა და ჰიბრიდული ძალური აგრეგატი. ვიდრე ამის საშუალებას რეგულაციები იძლევა, შეიძლება ვიხილოთ V12 ძრავაც. მანქანა შეიძლება 2023 წლის მოდელად გამოვიდეს.
