მრავალი გადადების შემდეგ, წარმოებაში ჩაეშვა მანქანა, რომელსაც ავტომოყვარულები დიდხანს ელოდნენ — Rivian R1T.
ამ მომენტს საზოგადოება მართლაც დიდხანს ელოდებოდა; R1T კომპანიამ პირველად 2018 წლის ლოს-ანჯელესის ავტოშოუზე წარმოადგინა და მისი წარმოება 2020 წელს უნდა დაწყებულიყო. სამწუხაროდ, კორონავირუსის გამო გეგმა შეიცვალა.
პირველი R1T იქნება Launch Edition-ი, რომლის ფასიც 73 000 დოლარიდან დაიწყება. ისინი აღჭურვილია 20- ან 22-ინჩიანი ალუმინის დისკებით, ელექტრო გადასახსნელი უკანა ძარით და ჰაერის კომპრესორით. მძღოლს ასევე დახვდება საჭის გათბობა და ვეგანური ტყავით დაფარული სავარძლები გათბობა-ვენტილაციით. სხვა გამორჩეულ მახასიათებლებს შორის არის Meridian-ის აუდიოსისტემა, ხის მორთულობა და საინფორმაციო სისტემის 16-ინჩიანი დისპლეი. ერთი დატენვით მანქანა 505 კილომეტრს დაფარავს.
მომავალი წლის დასაწყისში უნდა გამოჩნდეს Adventure და Explore ვარიანტებიც. 2022 წელს დაგეგმილია Max battery ვარიანტი, რომელიც ერთი დატენვით 644 კილომეტრს გაივლის.
After months of building pre-production vehicles, this morning our first customer vehicle drove off our production line in Normal! Our team's collective efforts have made this moment possible. Can't wait to get these into the hands of our customers! pic.twitter.com/8ZidwTaXRI
— RJ Scaringe (@RJScaringe) September 14, 2021
