Lexus LC Coupe-მ საშემოდგომოდ პირქუში სახე მიიღო — კომპანიამ ბრიტანეთისთვის განკუთვნილი ახალი, Black Inspiration ვარიანტი წარმოადგინა. მოხსნილია ყველანაირი ქრომი და თითქმის ყველა ფერი, ისინი შავით არის ჩანაცვლებული.
მანქანა Graphite Black შავ ფერშია გადაწყვეტილი, აქვს 21-ინჩიანი, ხუთსხივიანი ალუმინის დისკები, რომლებიც ექსკლუზიურად მისთვის შეიქმნა. ცხაურა, გვერდითა სარკეების ჩარჩოები, ფარები და იკანა გაბარიტული ფარები — ყველაფერი შავად არის შეფერილი. ოდნავ განსხვავებულ ფერშია ნახშირბადის ბოჭკოს სახურავი და კარის ზღურბლის ფირფიტები.
სალონში ნახავთ ათი სხვადასხვა კონფიგურაციით, ელექტრონულად მორგებად ნახევრად ტყავის სავარძლებს, Mark Levinson-ის 13-დინამიკიან პრემიუმ აუდიოსისტემას, ამოსაშლელ დისპლეის.
Lexus LC Black Inspiration-ი ხელმისაწვდომია V8-ძრავით აღჭურვილი LC 500 და ჰიბრიდი LC 500h სახით. პირველი მოდელი 5.0-ლიტრიანი ატმოსფერული რვაცილინდრიანი ძრავით არის აღჭურვილი, რომელიც 464 ცხენის ძალას გამოიმუშავებს, მეორე კი 3.5-ლიტრიანი V6 ძრავითა და დამხმარე ელექტროძრავით, რომლებიც ჯამში 354 ცხენის ძალას გამოიმუშავებენ.
სხვა მახასიათებლებს შორის არის საჭის გათბობა, ჭკვიანი სისტემა, წინა სავარძლების გათბობა-ვენტილაცია, ადაპტურ-ცვალებადი საკიდარი და უსაფრთხოების სისტემა Lexus Safety System+.
