Mercedes-Benz G63 AMG 6×6-მა გამოიწვია ტრენდი, რომელსაც ბოლო წლებში მოჰყვა სრულიად საუცხოო, სამხიდიანი, ექვსთვლიანი მანქანების შექმნა.
6×6 მანქანების ერთ-ერთი წამყვანი მწარმოებელია Apocalypse, რომელმაც სახელი გაითქვა Jeep Gladiator-ების ნამდვილ მონსტრებად გადაკეთებით. კომპანია გვთავაზობს Gladiator-ზე დაფუძნებულ სამ სხვადასხვა მოდელს: Hellfire, Doomsday, Sinister 6 და ერთ კონკრეტულ, საოცარ Hellfire-ს, რომელიც eBay-ზე გამოჩნდა.
Apocalypse-ის მიერ წარმოებული Hellfire მოდელები ისედაც საკმაოდ საუცხოოა, მაგრამ ეს კონკრეტული ეგზემპლარი გამორჩეულია, როგორც თავად მწარმოებელი უწოდებს, Oculus Tron წინა ბამპერით, რომელსაც Jeep-ის სტანდარტული ფარების ნაცვლად აქვს LED განათების ბარი, დაახლოებით Tesla Cybertruck-ის მსგავსად. Hellfire-ის ყველა სხვა დანარჩენი მოდელის მსგავსად, გვხვდება სხვა მრავალი ცვლილებაც.
მაგალითად, სრულიად გამორჩეული წინა ბამპერი და ცხაურა, რომლებთანაც ნახავთ ორ საბუქსირე კაუჭს. ასევე აქვს ახალი საქარე მინის ჩარჩო და დიდი გვერდითა საფეხურები მანქანაში ადვილად ასასვლელად.
მოდელი აღჭურვილია 6.2-ლიტრიანი Hellcat V8 ძრავით, რომელიც 750 ცხენის ძალას გამოიმუშავებს. მიუხედავად იმისა, რომ ბაზარზე არსებული ზოგიერთი 6×6 მოდელს სინამდვილეში ექვსივე წამყვანი თვალი არ აქვს, Hellfire საკუთარ ენერგიას ექვსივე თვალს აწვდის.
ალბათ გასაკვირი არც არის, რომ მანქანა არც ისე იაფია. პირიქით, მისი ფასი 219,999 დოლარია.
