ნამდვილად ბევრს მოეწონებოდა Chevrolet-ს მაგალითზე შექმნილი Cadillac-ის ხილვა, სუპერმანქანის, რომელიც C8 Corvette-ის გვერდით გაიყიდებოდა. მართალია, ასეთი მანქანა ჯერ კიდევ ფანტასტიკის სფეროა და ალბათ მომავალშიც ვერ ვიხილავთ, მაგრამ ეს რენდერი გვიჩვენებს, რამდენად დრამატული შეიძლება იყოს ამგვარი ავტომობილი.
ილუსტრაცია Cadillac-ის ექსტერიერის წამყვანი დიზაინერის, რობინ კრეიგის მიერ არის შექმნილი და General Motors Design-ის Instagram-გვერდზე გამოქვეყნდა. პოსტში დაკონკრეტებული არ არის, კრეიგმა ეს საოცარი მანქანა შუაძრავიანი სუპერქარის სახით დააპროექტა თუ წინაძრავიანი კუპესი, მაგრამ აქვს სწორედ კუპეს მძაფრი პროპორციები.
საკმაოდ დიდი ხნის განმავლობაში არსებობდა ვარაუდები და იმედი, რომ C8 Corvette ასახვას Cadillac-ის ემბლემიან სუპერქარშიც ჰპოვებდა, მაგრამ ასეთი მოლოდინი არ ახდა. მიუხედავად ამისა, CTS-V Blackwing-ისა და ATS-V Blackwing-ის მაგალითზე დამტკიცდა, რომ Cadillac-ს შეუძლია სერიოზულად შთამბეჭდავი პერფორმანს მანქანების შექმნა ბაზრის ახალ სეგმენტთან ღრმა კავშირების გარეშე.
